親愛的朋友：
你好，我係 twoplus 嘅聯合創辦人 Benjamin Tee。好似你一樣，我同太太都曾經經歷過備孕嘅焦慮同無助。我想同你講，其實你一直都唔係一個人。
我哋嘅旅程就係由呢度開始。
三十幾歲嗰陣，我同太太生活穩定、經濟又 ok，就諗住係時候生 BB 啦。原本以為懷孕係一件好自然、好簡單嘅事，但現實遠比我哋想像中複雜得多。我真係冇諗過，我哋居然用咗五年先成功懷到第一胎。
我哋試過各種自然懷孕方法，做齊哂所有可以做嘅檢查，但命運似乎都係想同我哋開個玩笑。最後，醫生畀我哋一個診斷：「原因不明嘅不育症」
當時我哋好似行緊一條無盡頭嘅路，對未來好迷惘，唔知可以搵邊個幫手。最難受嘅，係唔知發生咩事，也搵唔到一個答案。
試過宮腔內人工授精同試管嬰兒：一段滿佈荊棘嘅路
當所有自然方法都失敗之後，我哋唯有試下子人工授精（IUI）同試管嬰兒（IVF）。但呢啲療程唔單止時間長、費用高，仲對身心都帶嚟極大壓力。
藥物嘅副作用令我太太好辛苦，針口紮到佢手腳都瘀晒，但佢冇乜怨言，成日都係默默咁頂住。我成日都諗，如果可以，我真係好想代佢受嗰啲苦。
我哋已經唔知道經歷咗幾多輪治療。一次又一次嘅希望，最後都變成一次又一次嘅失望。每次等緊驗孕結果嗰幾分鐘，好似過咗幾個鐘咁長。我哋都會忍唔住幻想：「可能今次就成功啦。」但每次都係單線，熟到唔想再見。
嗰段時間，應該係我哋人生中最難捱嘅一段。但都係因為咁，我哋學識咗點樣更加信任同依靠對方——喺痛苦中互相支持，喺黑暗中搵返少少光。即使前路冇盡頭，我哋都冇放棄過。
twoplus 的誕生
第一次抱住自己個仔嗰一刻，真係難以形容嘅感動。呢個小生命唔單止實現咗我同太太多年的心願，仲喺我心入面燃起咗另一個念頭——我想幫更多仲喺努力緊嘅家庭。
雖然我哋最後係靠試管嬰兒（IVF）成功懷孕，但我始終覺得呢條路實在太辛苦。一定有冇咁複雜、冇咁傷身傷心、而又親民嘅方法可以幫人懷孕，唔一定要行到去手術室先有希望。嗰陣市面上幾乎冇乜可以喺屋企用嘅助孕產品，我就決定從呢個方向出發，用我自己喺醫療科技方面嘅經驗，搵一個真正有用嘅解決方法。
我搵返咗我嘅老朋友 Prusothman Raja —— 我哋以前喺美國一齊做過一款家用醫療產品，夾得好好，理念又一致。於是，我哋就一齊創立咗 twoplus。
我哋嘅目標好清晰：設計一系列真正幫到手、可以俾人掌控自己生育旅程嘅家用助孕工具。好多生育科醫生同我哋講，佢哋嘅病人一直都喺搵呢類產品，呢句說話俾咗我哋好大鼓舞。
就係咁，twoplus 開始喇！
由嗰陣開始，我哋嘅家居人工授精套裝同其他助孕產品，已經幫過唔少家庭實現咗迎接小生命嘅夢想。twoplus 嘅使命好簡單：未來十年內，用最貼心、最實用嘅家用方法，幫到一百萬對備孕中嘅情侶成功懷孕。
希望 twoplus 可以成為你備孕旅程入面嘅一盞燈——當你感到最無助嗰陣，幫你照亮前路。我哋會一直喺度，陪住你，一齊行落去。
衷心祝福你，
Benjamin Tee
